હરિયાણાની મેડિકલ સ્ટુડન્ટે યુક્રેન છોડવાનો ઇનકાર કર્યો, કહ્યું કે યુક્રેન યુદ્ધમાં જોડાશે ત્યારે ઘરના માલિકના બાળકોનું ધ્યાન રાખશે
આ માનવ મૂલ્યો, કરુણા અને સાર્વત્રિક ભાઈચારાની કહાણી છે - અથવા બહેનપણુ, ચોક્કસપણે આ કિસ્સામાં - જે યુદ્ધ દરમિયાન પણ આપણને એક સાથે બાંધી રાખે છે.
યુક્રેનમાં મેડિસિનનો અભ્યાસ કરી રહેલી હરિયાણાની એક યુવતીએ સ્થળાંતર કરવાની તક મળી હોવા છતાં, યુદ્ધગ્રસ્ત દેશ છોડવાની ના પાડી દીધી છે.
કારણ: તે ઘરનો માલિક જ્યાં તે પેઇંગ ગેસ્ટ તરીકે રહે છે તે રશિયા સાથે ચાલી રહેલા યુદ્ધ દરમિયાન તેના દેશની સેવા કરવા માટે સ્વેચ્છાએ યુક્રેનિયન આર્મીમાં જોડાયો છે અને આ દિકરી તેના ત્રણ નાના બાળકોની સંભાળ રાખવામાં તેની પત્નીને ટેકો આપી રહી છે.
હરિયાણાના ચરખી દાદરી જિલ્લામાં સ્થિત નેહાએ તેની શિક્ષિકા માતાને કહ્યું, "હું જીવું કે ન જીવું, પરંતુ હું આ બાળકો અને તેમની માતાને આવી સ્થિતિમાં નહીં છોડું."
નેહાએ થોડા વર્ષો પહેલા તેના પિતાને ગુમાવ્યા, જેઓ ભારતીય સેનામાં હતા. ગયા વર્ષે તેણે યુક્રેનની મેડિકલ કોલેજમાં પ્રવેશ મેળવ્યો હતો.
હાલમાં, હરિયાણાની 17 વર્ષીય વિદ્યાર્થીની ઘરના માલિકની પત્ની અને ત્રણ બાળકો સાથે બંકરમાં રહે છે.
તેણીએ તાજેતરમાં એક પારિવારિક મિત્રને કહ્યું, "અમે બહાર વિસ્ફોટો સાંભળતા રહીએ છીએ, પરંતુ અમે અત્યાર સુધી ઠીક છીએ."
એમબીબીએસની વિદ્યાર્થિની નેહાએ યુક્રેનની રાજધાની કિવમાં કન્સ્ટ્રક્શન એન્જિનિયરના ઘરે એક રૂમ ભાડે લીધો હતો, કારણ કે તેને હોસ્ટેલમાં રહેવાની સગવડ નહોતી મળી.
નેહાની માતાની નજીકની મિત્ર સવિતા જાખરે કહ્યું, “નેહા ઘરમાલિકના બાળકો સાથે જોડાયેલી હતી. યુદ્ધ નિકટવર્તી લાગતું હોવાથી તેણીને દેશ છોડવાની સલાહ મળી. તેની માતાએ તેની પુત્રીના સ્થળાંતરની વ્યવસ્થા કરવા માટે ઉગ્ર પ્રયાસો કર્યા. અંતે, દિકરીને રોમાનિયા જવાની તક મળી, પરંતુ તેણીએ આ નિર્ણાયક ઘડી સમયે તે જે સ્નેહી કુટુંબ સાથે રહી રહી છે તેને છોડી દેવાનો ઇનકાર કરી દીધો.
હરિયાણાના ઝજ્જર જિલ્લાના ઝાંસ્વા ગામની કેળવણીકાર સવિતા, હાલમાં ડેનમાર્કના કોપનહેગનમાં રહેતી ફ્રેન્ચ નાગરિક છે.
શનિવારે કોપનહેગનથી ધ ટ્રિબ્યુન સાથે વાત કરતાં, સવિતાએ કહ્યું કે નેહાના પરિવારના સભ્યો અને પરિચિતો તેને ભારત પરત ફરવા માટે સમજાવવાનો પ્રયાસ કરી રહ્યા છે, પરંતુ તેણે સ્પષ્ટ અને નિશ્ચિતપણે તેમ કરવાનો ઇનકાર કર્યો છે.
"સવારના 4 વાગ્યા હશે, હું બેચેની અનુભવું છું કારણ કે હું આખી રાત ઊંઘી શકી નથી. એક નજીકના મિત્રની 17 વર્ષની પુત્રી કિવમાં અટવાઈ ગઈ છે જ્યાં તે તેની સ્નાતકની ડિગ્રી મેળવવા ગઈ હતી... તે જ્યાં રહેતી હતી તે ઘરનો માલિક થોડા દિવસ પહેલા જ આર્મીમાં જોડાયો હતો. હાલમાં, છોકરી ઘર-માલિકની પત્ની અને ત્રણ બાળકો સાથે બંકરમાં રહે છે, ”સવિતાએ ફેસબુક પોસ્ટમાં લખ્યું.
આ પોસ્ટ વાયરલ થઈ રહી છે, જેમાં ઘણા લોકો નેહાની કરુણા અને નિશ્ચયની પ્રશંસા કરી રહ્યા છે.
"તેણી જાણે છે કે તેણી પોતાનો જીવ ગુમાવી શકે છે, પરંતુ તે આવેલ સંજોગોમાં પાછા નહીં ફરવા માટે મક્કમ છે. સવિતાએ ઓબ્ઝર્વ કર્યું અને કહ્યું કે મને ખબર નથી કે દિકરીને પરિવાર સાથે ઊભા રહેવા માટે આટલું બળ કોણ આપે છે? ...”
સૌજન્ય : ધી ટ્રિબ્યુન
Comments
Post a Comment