તુમ મુઝે યું ભૂલા ન પાઓગે

 

હિન્દી ફિલ્મ ઈન્ડસ્ટ્રીના 'તાનસેન', પોતાના સુરીલા અવાજના જાદુથી મંત્રમુગ્ધ કરનાર 'શહંશાહ-એ-તરન્નુમ' રફી સાહબ દ્વારા ગાયેલા મનમોહક ગીતો સંગીતપ્રેમીઓના હૃદયને મોહતા રાખશે.૯ વર્ષના હતા ત્યારે ગીતો ગણગણતા લોકોના વાળ કાપતા,૧૩ વર્ષની નાની ઉંમરથી શરુ થયેલ સફરમાં ૨૬ હજાર ગીતો ગાયા. તેમના ગીતોમાં સાદગી, પ્રામાણિકતા, રુમાનિયત, દર્દ અને પસંદગી છે.ગીત, ભજન, શાસ્ત્રીય શૈલીમાં તમારો અવાજ સંગીત જગતનો વારસો છે.તેમના ગીતો દ્વારા તેમને સદીઓ સુધી યાદ કરવામાં આવશે..

70ના દાયકામાં નૌશાદે એક રેડિયો ઈન્ટરવ્યુમાં કહ્યું હતું કે, "મેં સૌથી મોટામાં મોટા ગાયકોને સુરોથી હટતા જોયા છે. એક એકલા મોહમ્મદ રફી છે જેમણે તેમને ક્યારેય સુરોથી દૂર જતા જોયા નથી."

નૌશાદે કહેલ કે, "રફી અને હું હંમેશા એક હતા. તેમના ગયા પછી, હું માત્ર 50% જ બચ્યો. હું અલ્લાહને પ્રાર્થના કરીશ કે રફીને આ દુનિયામાં માત્ર એક કલાક માટે જ મોકલે જેથી હું મારી શ્રેષ્ઠ સંગીત રચના કરી શકું."

જ્યારે ભારત વિભાજનના આઘાતમાંથી બહાર આવી રહ્યું હતું ત્યારે મહાત્મા ગાંધીની ગોળી મારીને હત્યા કરવામાં આવી હતી. આ પ્રસંગે રાજેન્દ્ર કૃષ્ણ દ્વારા લખાયેલ ગીત 'સુનો સુનો એ દુનિયા વાલોં, બાપુ કી યે અમર કહાની' હુસનરામ ભગત રામ દ્વારા સંગીતમાં રૂપાંતરિત કરવામાં આવ્યું હતું અને મોહમ્મદ રફી દ્વારા ગવાયું હતું.

આ ગીત સાંભળવા માટે તત્કાલિન વડાપ્રધાન જવાહરલાલ નેહરુએ મોહમ્મદ રફીને ખાસ તેમના દિલ્હી સ્થિત નિવાસસ્થાને આમંત્રણ આપ્યું હતું. ગીત સાંભળીને નેહરુની આંખોમાં આંસુ આવી ગયા હતા.

ભારતની આઝાદીની પ્રથમ વર્ષગાંઠ પર નેહરુએ રફીને સિલ્વર મેડલ અર્પણ કર્યો હતો. માત્ર 24 વર્ષના મોહમ્મદ રફી માટે આ બહુ મોટું સન્માન હતું. તે ગીત સમગ્ર ભારતમાં ખૂબ વખણાયું હતું.